Бишкек шаарында жүргүнчүлөрдү ташуучу чакан автоунааларга жол кире 7 сомдон 10 сомго чейин кымбатташы мүмкүн. Бул маселе шаардык кеңештин турмуш-тиричилик, отун-энергетика, транспорт, байланыш боюнча туруктуу комиссиянын кечээки отурумунда талкууланды. Бул тууралуу шаар кеңештин маалымат кызматы кабарлады. Менчик автоунаа ишканалардын жетекчилери жол кирени 10 сомго көтөрүп, жүргүнчүлөрдү ташууга уруксат берүүчү документтердин наркын 7 миң сомдон 3 миң сомго азайтууну талап кылышты. Жол кире боюнча Бишкек шаар мэриясы өзүнүн долбоорун даярдап жатат. (BuS)
