Евробиримдиктин тышкы иштер боюнча комиссары Хавьер Солана Орусиянын тышкы иштер министри Сергей Лавров менен Брюсселде жолуккандан кийин мындай кадам грузин-орус алакаларындагы чыңалууну жойбой тургандыгын билдирди. Расмий Москва Орусиянын аймактагы бейпилдик күчтөрүн Тбилиси аскердик чабуул үчүн камылга көрүүдө деген чочулоого негизденип чыңдап жатканын билдирген. Грузин өкмөтү Орусияны жикчилдерди колдоп, аймактагы туруктуулукту бузууга умтулуп жатат деп айыптоодо.
