Алар НАТОнун бул жердеги эл аралык коопсуздук күчтөрүнө жардам көргөзүү үчүн жиберилет. Жапон өкмөтүнүн башкатчысы Нобутака Мачимуранын бүгүнкү билдирүүсүнө караганда, оболу Жапониядан эмне жардам керектигин аныктоо үчүн Ооганстанга атайын топ барат. Ал ошондой жапон жоокерлери аскерий эмес аракеттерге гана тартыларын баса белгиледи. Жапония ири армия ээ жана ал барган сайын чыңалууда, бирок армиянын согуштук аракеттерге катышуусуна өлкө Конституциясы тыюу салат.
