Германиянын Нюрнберг шаарында ооруканада жаткан белгилүү жазуучу Ч.Айтматовдун саламаттыгы бүгүн кыйла оорлоп кеткени кабарланууда. Бул тууралуу “Азаттыкка” Ч.Айтматов дарыланып жаткан Нюрнбергдеги ооруканадан тастыкташты. Эскерте кетсек, 79 жаштагы белгилүү жазуучу Ч.Айтматов 16-майда Татарстандын Казан шаарында жүргөн кезинде бөйрөгү кармап ооруканага жаткырылган. Быйылкы жыл Кыргызстанда Ч.Айтматовдун жылы катары аталып, жазуучунун 80 жылдык мааракеси белгиленмекчи. (IJz)
