Саммит ушул тапта Евробиримдиктин президенттигин аркалаган Словениянын тарыхый чептеринин биринде өтүүдө. АКШ президенти Евробиримдиктеги шериктерин Ооганстанга жардамды көбөйтүү, Иранга өзөктүк курал долбоорунан баш тарттыруу үчүн кысымды күчөтүү жана климаттын өзгөрүшүнө таасир тийгизүү боюнча орток аракеттер маселелеринде тыгыз кызматташтыкка чакыраары күтүлөт. Саммиттен соң, бүгүн кечке жуук президент Буш Германияга сапарын улантып, канцлер Ангела Меркел менен жолукмакчы.
