Кыргызстандын түштүк борборунун вице-мэри Мухидин Мамасадыковдун билдирүүсүнө караганда, шаардык автоунааларда жолдо жүрүү акысы кымбаттады. Маселен, жүргүнчүлөр күндүзү маршруткаларга – 7, автобустарга – 5, троллейбуска – 4 сомдон төлөшмөкчү. Кечки саат 21.00дън кийин жолго чыккандарга 3 сомдон кошулат. Шаар жетекчисинин орун басары чечим 1-июлдан тартып күчүнө кирээрин ачыктады. Жергиликтүү талдоочулар жол киренин кымбатташы эл арасында нааразычылык жаратып, социалдык жарылууга алып келиши ыктымалдыгын айтышууда. (ATo)
