Үч ай мурда Кытай бийлигине каршы элдик толкундоолор болгон Тибетте эми олимпиада отун тосуп алууга камылга көрүлүүдө. Бул каадалуу чара ишемби күнү Лхаста өткөрүлмөкчү. Өткөн айда кытай бийликтери олимпиада отун Эверест тоосуна да алып чыгышкан. Активисттердин айтымында Олимпиада отунун Тибетке жана Эверест тоосуна алып чыгуу кытай лидерлеринин Гималайдын үстүнөн кожоюндук үстөмдүгүн көрсөтүү символу катарында жасалууда. Тибетте Пекин бийлигине каршылык акциялары күч менен басылгандан кийин бир катар өлкөлөрдө нааразылык чыгып, Олимпиада отун Кытайга бараткан жолдо үзгүлтүккө учуратуу аракеттери болуп жатат.
