Мыйзам долбоору буга чейин парламенттин тиешелүү он бир комитетинде каралган. Каржы министри Тажикан Калимбетованын депутаттарга маалымдаганы боюнча быйылкы салык системасынын өзгөрүүсү менен мамлекеттик бюджет 1,5 млрд сом кирешеге ээ болуп, бирок ошол эле учурда 2,6 млрд сом чыгашага учураган. Дүйнөлүк базарда баалардын өскөндүгүнө байланыштуу жакыр жашаган үй-бүлөлөрдү колдоо үчүн атайын каражат бөлүү зарылчылыктары келип чыкты, мамлекеттик кызматкерлердин айлык акыларын көбөйтүү жана башка түрдүү расмий чыгашалардын көбөйүүсү –мамлекеттик бюджет тууралуу мыйзамга өзгөртүү киргизүүгө алып келди, дейт каржы министри. 2008-жыл үчүн мамлекеттик бюджетке 42 млрд сом бекитилген. (ZKo)
