Орусия бийлиги Самарада аймактар аралык мигранттарга колдоо көрсөтүү борборун негиздешти. Ал үчүн эски завод имаратынан заманбап алты жүз орундуу мейманкана, ашкана жана кир жуучу жайы, атурсун банк бөлүмү бар борбор салынган. Эми Самара областына мыйзам чегинде келген эмгек мигранттарына убактылуу турууга бардык шарты бар бөлмө берилип, медициналык кароодон өтүүгө жана жумушка орношууга кеп-кеңеш алууга мүмкүнчүлүк түзүлөт. Эгер мигранттарды колдоо борборунун иши ийгиликтүү болсо, анда мындай борборлорду бир топ аймактарда түзүү да пландалган. Бул тууралуу Улуттук “Кабар” маалымат агенттиги кабарлоодо. (ES)
