Александр Стубб бүгүн өлкөдөгү жарандык коомдун, саясий партиялардын жана оппозиция өкүлдөрү менен да жолугушуп, пикир алышмакчы. Бул жолугушууда Кыргызстандагы демократиянын абалы боюнча сөз кылышаарын “Азаттыкка” “Акыйкат үчүн” кыймылынын жетекчилеринин бири Аликбек Жекшенкулов билдирди. Анда өлкөдө сөз эркиндиги, жарандардын эркин жыйналуу укуктары чектелип жатышы оппозициялык “Де-факто” басылмасынын жана парламент кабыл алган тынч жыйындарды өткөрүү боюнча мыйзамдын мисалында сөз болот. ЕККУ төрагасынын Кыргызстандагы иш сапары ушул эле күнү соңуна чыгат.(SM)
