Президенттик басма сөз кызматынын маалымдоосу боюнча мамлекет башчы бүгүн КР тышкы иштер министрлигине атайын тапшырма берип, Түштүк Осетиядагы кырдаал боюнча КМШ өлкөлөрүнүн тышкы саясий кызматтары менен тез арада кеңешме өткөрүүнү дайындады. Президент бул аракетин КМШ Уставынын 18-беренеси боюнча учурда Кыргызстандын КМШга төрагалык кылып жаткандыгына байланыштуу жасады. Курманбек Бакиев Түштүк Осетиядагы кырдаал боюнча тынчсыздануусун билдирди. Ал каршылашып жаткан тараптардын маселесин эл аралык укук нормаларында реалдуу чечүү- саясий өңүттө гана жатат, деп белгиледи.(ZKo)
