Грузиянын президенти Михаил Саакашвили Түштүк Осетиядагы кризисти жөнгө салуу боюнча Евробиримдиктин планына макул болду. Бул тууралуу президент Михаил Саакашвили Франциянын лидери Николя Саркози менен сүйлөшүүлөрдөн кийин журналисттерге билдирди. Орусиялык жана грузин аскерин кайра өз калыбына кайтып келүү сунушуна кечээ Орусиянын президенти Дмитрий Медведев дагы макул болду. Анын аралыгында президент Саакашвили Грузия өзүнүн аймактык бүтүндүгү үчүн күрөшөрүн айтты.
