Ички иштер министрлигинен билдиришкендей, окуя кечээ күндүз саат 13.00 ченде болгон. Лев Толстой жана Фрунзе көчөлөрүнүн кесилишинде белгисиз адамдар салык кызматынын эки инспектору отурган “Мерседес” маркасындагы автомашинаны аткалышкан. Азамат Абдиев аттуу инспектор ок атышуу болгон жерден көз жумган, ал эми ооруканага жеткирилген Табалдиев аттуу экинчи инспектор бүгүн каза болгону кабарланууда. Бул боюнча Башкы прокуратура кылмыш ишин козгоду. Тергөө иштерин Ички иштер башкармалыгы жана ИИМдин тергөө башкармалыгы жүргүзүүдө.(MSu)
