Марриотт мейманканасында 20-сентябрда кечинде жүзөгө ашырылган жардыруу, бери эле дегенде кырктан ашуун, айрым булактарга караганда дээрлик 60ка жакын сандагы кишинин өмүрүн алганы маалымдалууда. Коопсуздук кызмат өкүлдөрү бул сан дагы жогорулашы мүмкүн деп билдиришүүдө, анткени урандылардын астында калган адамдар толугу менен чыгарыла элек. Азырынча бул окуя үчүн жоопкерчиликти эч ким мойнуна ала элек, бирок АКШнын чалгын кызматынын өкүлдөрүнүн билдиришинче, бул жардыруу “ал-Каида” террорчул уюмунун жүзөгө ашырып келген башка террордук чабуулдарына окшоодо.
Пакистан президенти Зардари жалпы улутка кайрылып, террорчулуктун тамырын жок кылууга чакырды
