Бишкек шаардык кеңешине Асанбай шайлоо округу боюнча талапкер Ишенбай Кадырбековдун атаандашы сотко кайрылып, Борбордук шайлоо комиссиясынын Кадырбековду абактан бошотуу тууралуу токтомун жокко чыгаруу талабын койгон. Арыз ээси Ишенбай Кадырбековдун шайлоо кампаниясы башталганга чейин эле камакка алынганын, ошондуктан аны бошотууга негиз жок экендигин билдирген. Бул тууралуу Кадырбековдун иниси Ишен Айтмамбетов билдирди. Анын пикиринде, соттун чечими азыртан белгилүү болуп калды. Кадырбеков абактан бошотулбайт.(AiT)
