Бириккен Улуттар Уюмунун Башкы жыйынынын отурумунда Сербиянын президенти Борис Тадич дүйнө лидерлерине кайрылып, аларды өлкөнүн аймактык бүтүндүгүн жана эгемендигин сактоо принцибинен чегинбөөгө өтүндү. Президент Тадич өзүн “албан улутчулдары” деп атаган топ айма-амал менен Косово аймагын Сербиядан бөлүү аракетин жасаганын айтты. Өз сөзүндө Борис Тадич Сербия бүткүл аймагы менен, анын ичинде Косово менен бирдикте, Европа Биримдигине кирүү мүдөөсүн көздөп жатканын кошумчалады.
