“Демократия жана жарандык коом үчүн”, “Интербилим”, “Атуулдук коом коррупцияга каршы” жана башка өкмөттүк эмес уюмдар жергиликтүү кеңештерге шайлоо кампаниясынын жүрүшүнө байкоо жүргүзүүдө. Алар өз байкоолорун региондордо да жүргүзүүдө. Бул уюмдар уюштурган “Менин тандоомдун мезгили” аттуу кампаниянын активистери бүгүн өткөргөн маалымат жыйынында айтылгандарга караганда, жер-жерлерде жергиликтүү кеңештерге шайлоого эл тарабынан кызыгуу төмөн болуп жатат. Талапкерлердин көпчүлүгү жаштар. Алар мыйзамдар жана өздөрүнүн укуктары тууралуу маалымдар эмес. Ал эми алардын шайлоо кампаниясына тоскоолдук тууралуу расмий түрдо кайрылуу болгон жок. Бирок көмүскө жасалып жаткан тоскоолдуктар жөнүндө маалыматтар арбын.(AiT)
