Мурдагы бийлик учурунда дагы тартип коргоо кызматы бийликтин камчысын чаап, алардан запкы көргөн карапайым калктын кыжырдануусун жаратып, ишенимден кетип ыңкылапта милиция кызматкерлери “төө бастыда” калган, деп билдирди коомдук ишмер Анвар Артыков “Азаттыкка”. Анын айтымында, тартип коргоо кызматкерлери мыйзамды коргоонун ордуна бийликтин кызыкчылыгын коргоп жатат. Жашылдар партиясынын саясий акциясын үзгүлтүккө учуратканга “ак үйдүн” жетинчи кабаты күнөөлү деген Артыков аталган партиянын үн күчөткүч аппаратураларын алып бараткан милиция кызматкерлери ага дагы күч колдонгонун кошумчалады. (AJ)
07:19 А.Артыков: Милиция кызматкерлери 2005-жылдагы март ыңкылабын эстеринен чыгарып койду
