Бул тууралуу “Азаттыкка” Нура айылынын жашоочусу Бурулкан Айдарова айтып берди. Ал ушу тапта Алай районуна караштуу Сары-Таш айылындагы ооруканада кызын карап жатат. Бул ооруканада учурда Нура айылындагы жер титирөөдөн жаракат алган 12 адам дарыланышууда. Бурулкан айымдын айтымында, кечээ кечиндеги зилзаладан айылда дээрлик бир да үй калбай, баары кыйраган. Жалгыз гана беш фин үйү аман калган. “Биз ошол үйлөрдө баш калкаладык”, - деди ал. (EBM)
