Документте америкалык аскерлердин Улуттар уюмунун мандаты соңуна чыккандан кийин дагы 3 жылга Иракта калышы каралган. БУУнун мандаты ушул жылдын 31-декабрында аяктайт. Бүгүнкү чечим бир нече айларга созулган сүйлөшүүлөрдүн натыйжасында кабыл алынды. Ал Ирак парламенти тарабынан колдоого алынса, эки шерик ортосундагы пикир келишпестиктер жоюлмакчы. Келишим парламентке бүгүн эле жөнөтүлөт. Бирок добуш берүү качан болоору белгисиз.
