Окуя бүгүн эртең менен банктын эсептөө - сактык кассанын кассири 5 млндон ашык сом жана 37 миңдей АКШ долларын банктын филиалдарына которуу үчүн алып чыгып баратканда болду. Белгисиз үч адам Абдрахманов көчөсүндө кассирге жана анын эки жансакчысына кол салып, ок атышкан. Андан кассир жана бир жансакчы жараат алып, төртүнчү шаардык бейтапканага жеткирилген. Кабарларга караганда, каракчыларга да каршы ок атылган. Оңунан чыкпаган карактоо аракети боюнча кылмыш иши козголгонун ИИМдин басма сөз кызматы билдирди. (EK)
