Бул туралуу Баткен облустук акимчилигинин билим берүү жана маданият бөлүмүнүн башчысы Жамалидин Эшанкулов 10-декабрда «Азаттыка» маалымдады. Баткенде ишин уруксатсыз жүргүзүп жаткан орус-тажик жогорку окуу жайы буга чейин Тажикстандын Кожент шаарында ишин жүргүзүп келген. Тажик бийлиги тарабынан жабылгандан соң аталган окуу жайы кыргыз-тажик чегарасындагы Лейлек районуна караштуу Жаңы-Жер айыл өкмөтүндө орун алган жаштар борборунун имаратында 2008 -жылдын октябрынан бери ишин жүргүзүп келет. Азырга чейин орус-тажик университетинде окуп жаткан жети жүз студенттин жана окутуучулар курамынын биринде да миграциялык баракчалары жок. (JsA)
