Бириккен Улуттар Уюмунун Коопсуздук кеңеши Жакынкы Чыгыш боюнча Орусия менен АКШнын резолюция долбоорун жактырды. Долбоор үчүн Кеңештин он беш мүчөсүнүн он төртү “макул” деп добуш берди. Документте Израил менен Палестин автономиясы ортосундагы сүйлөшүүлөрдү улантуу зарылдыгы белгиленип, тараптардын тынчтыкка жетүү үчүн активдүү чараларды көрүшү керектиги айтылат.
