Эл арлык миграция уюмунун башкы адиси Патрик Тарандын “Азаттыккка” берген маалыматына караганда, учурда дүйнөдө эки жүз миллиондон ашуун эмгек мигранттары бар. Эң көп эмгек мигранты бар мамлекеттердин катарына Орусия, Түштүк Африка, ал эми Борбор Азия өлкөлөрүнүн ичинен Казакстан кирет. Патрик Тарандын айтымында, АКШ да эмгек мигранттарды көп кабыл алган менен алар бул маселени башкаларга салыштырмалуу мыйзамдаштырууга жетишкен. Бул күнгө карата дүйнөнүн ар тарабында түрдүү жыйындар, демонстрациялар, талкуулар өтөрү күтүлүүдө. Мигранттар күнү дүйнөдө жүз элүүдөй өлкөдө белгиленет. (КЕ)
