Хорватиялык укук коргоочулар жакында эле кабыл алынган айыл чарба өндүрүшүн көбөйтүүгө багытталган мыйзамды сынга алышты. Хорватиянын Адам укугу боюнча Хелсинки комитети тараткан билдирүүдө “жаңы мыйзам этникалык серб качкындарын менчик укугунан ажыратат” деп айтылат. Хелсинки комитети бул мыйзамды жокко чыгаруу үчүн Конституциялык сотко кайрыларын билдирди. 1991-1995-жылдары согуш маалында Хорватиядан качууга мажбур болгон 130 миңге жакын этникалык сербдер кайтып келген эмес.
