Штабдын башчылыгына Элдик революциялык кыймылдын лидери Азимбек Бекназаров бекитилди. Бул бүгүн кечке жуук өткөн БЭКтин саясий кеңеши кабыл алган негизги чечим болду. Мындан тышкары оппозициялык күчтөр 17-18-январда Таласта өткөн “Ата Мекен” партиясынын жыйындарын жана анын айланасындагы окуяларды талкуулап, бийлик оппозицияга кысымын күчөттү деп баалады. Кысымдарга туруштук берүү үчүн оппозиция күрөштүн тактикасын өзгөртүү зарыл деп тапты. Бул тууралуу Азимбек Бекназаров жыйындан кийин “Азаттыкка” билдирди. (BuS)
