Бул туурасында «Азаттыкка» кабарлаган Ош губернаторунун орун басары Гүлайым Машрапованын айтымында, облустагы 624 мечиттин 521и гана катталган. Калгандарынын шарттары, молдо-имамдардын сабаты туурасында так маалымат жок. Ошол себептүү бардык диний жайларды райондук комиссиялар терең иликтегенден кийин кемчиликтерди четтетүү боюнча чаралар көрүлмөкчү. «Айрым мечиттер жабылат экен» деп кимдир бирөөлөрр чочулагандай, мындай аракетти саясатташтыруунун кажети жок», - дейт вице-губернатор.
