Мындай пикирин саясат таануучу Аскарбек Мамбеталиев “Азаттыкка” билдирди. Анын айтуусунда, эгер президент Орусиядан үстөк акысы менен акча алуу үчүн “Манас” авиабазасын жаба турган болсо, ал өзүнүн колундагы күчтүү көзүрүн оппозицияга, Орусияга жана АКШга алдырып жиберет. “Анда эл аралык саясаттан четтеп калган Бишкек менен келечекте сүйлөшчүлөр деле болбой калат. Оюнчуларга көзүр кимдин колунда болсо, ошол тарап кызык. Бул учурда Кыргызстан жөн гана “кол баланын” ролун аткарып калат”,-дейт Аскарбек Мамбеталиев. (AzK)
