30 полициячы жана аскерлер Пакистандын түндүк-батышындагы Сват өрөөнүндөгү салгылашта колго түшкөн эле. Сват өрөөнүндө ишембиден бери айыгышкан салгылаштар жүрүүдө. Кечээ кечинде талиб күчтөрү Ланди Котал деген жердеги унаа терминалында калган НАТОнун жүгүн ташыган 10 машинаны өрттөп жиберишти. Бийликтер ошондой эле Ооганстан менен чек арадагы Хыбер ооданында бүгүн кеминде сегиз талиб өлтүрүлгөнүн, эки коопсуздук офицери жараат алгандыгын билдирди.
