Уюмдун билдирүүсүнө караганда, Тегерандагы кызматкерлеринин көпчүлүгү Иран бийликтери тарабынан "маектешүүлөргө" чакырылып, аларга кызматтан кетүүсү айтылгандан кийин ишти токтотуудан башка арга калган эмес. Эки кызматкеринин Тегерандан кетүүгө аракеттенип жатканда паспорттору конфискацияланган. Уюмдун аткаруучу директору Мартин Дэвидсон Ирандын бийликтеринин аракетин "кабыл алынгыс" деп атады. Британ кеңеши – маданий багыттагы уюм жана каражаттын басымдуу бөлүгүн Британиянын тышкы иштер министрлигинен алат.
