Адвокат Асель Аргынбаеванын “Азаттыкка” билдиргенине караганда, А. Жекшенкуловдун ишин карап жаткан тергөөчү ачылган кылмыш иши боюнча жетиштүү маалымат топтлоло электигине байланыштуу, анын баш коргоо чарасын узартуу тууралуу Биринчи май райондук сотуна өтүнүч кат жолдогон. Адвокат болсо аталган өтүнүч боюнча сот иши качан өтөөрүн так айта албасын, бирок 8 же 9-апрелде өтөт деп болжолдоду. “Акыйкат үчүн” кыймылынын лидери, БЭКтин Улуттук кеңешинин мүчөсү Аликбек Жекшенкулов, анын тапанчасынан 2007-жылы Таласта түрк жаранын өлтүрүлгөнү аныкталган, деген жүйөө менен ушул жылы 9-мартта камакка алынган. БЭК бул ишти саясий куугунтуктун жеткен чеги деп айыптоодо. (ES)
