Буга чейин парламенттеги фракциялардын алдында 2008-жылкы жасалган иштер тууралуу отчет берген кыргыз өкмөтү бүгүн толук курамы менен жалпы парламенттик отурумда маалымат берүүдө. Премьер-министр Игорь Чудинов 2008-жылы кыргыз өкмөтүнүн алдына коюлган иштер негизинен толук аткарылгандыгын белгилөөдө. Өкмөт башчынын айтуусунда өткөн жылы негизги көйгөйлүү тармак –энергетика тармагы болду, бирок электр энергиясын берүүнү кыскартуу менен бул маселе да оңой чечилди. Азык-түлүк коопсуздугун камсыз кылуу үчүн мамлекет тарабынан коюлган милдеттер ашыгы менен аткарылып, айдап-себүү иштерин жүргүзүүгө “Айыл банк” тарабынан 100 млн. сом насыя акча бөлүнгөн.(ZKo)
