АКШ президенти кызматына киришкенине жүз күн толгонуна байланыштуу сөз сүйлөп, өлкөсүнүн экономикасын чыңоого, дүйнөдөгү коопсуздукту бекемдөөгө бардык күчүн жумшарын билдирди. Барак Обама өз сөзүндө АКШга экономикалык өсүш жана аброй алып келүүгө бардык күчүн жумшарын, дүйнөдөгү коопсуздук маселесине өзгөчө көңүл буруларын, террорчулукту жоюу, өзөктүк куралдарды азайтуу жаатында иштер жүргүзүлөрүн, ошондой эле барган сайын коркунучтуу болуп бараткан чочко тумоосун жеңүүгө зор аракеттер көрүлөрүн билдирди.
