Башкы прокурордун орун басары Рыскулбек Бактыбаев айрым кыргыз тилдүү гезиттердеги ашынган улутчулдук жана антисемиттик чакырыктар боюнча эки күн мурун маалымат түшкөнүн, учурда бул боюнча териштирүү башталганын “Азаттыкка” билдирди. Президент Роза Отунбаева Коомдук телерадио корпорациясынын “Кабарлар” радиосуна курган маегинде кээ бир кыргыз гезиттеринде ашынган улутчулдук күч алганын, антисемиттик маанидеги сөздөр көп колдонулуп жатканын сынга алган болчу. (EBM)
