1998-жылы Сулейман-Тоо деген менчик ишкана Кызыл-Кыя шаарындагы эки кабаттуу бүтө элек имаратты Кыргызгазмунайзаттын филиалы Кызыл-Кыя мунай затка саткан. Кыргызгазмунайзат кудуретсиздикке учурагандан кийин имарат аукцион аркылуу сатыкка коюлган. Аны аукциондо Кызыл-Кыя педагогикалык инстититуту сатып алган. Бул имаратты Сулейман-Тоо өзүнө кайрып алууга аракет жасап, Жогорку Сотко арызданган. Жогорку Соттун судьясы Абылай Мухамеджанов башында турган соттук коллегия ишти кечээ карап, имаратты Кызыл-Кыя шаардык педагогикалык институтунда калтыруу тууралуу чечимин чыгарды. (AJ)
