7-июлда депутат Хайди Вегенер жетектеген Бундестагдын Борбор Азия боюнча кызматташуу комитетинин депутаттык кызматташтык тобу Бишкекке келип Акыйкатчы менен жолугушуп, адам укуктарын коргоо багытындагы маселелерди талкуулашат. Германиянын Бундестагынын делегациясын президент К.Бакиев, өкмөт башчы И.Чудинов, Жогорку Кеңештин төрагасы А.Тагаев кабыл алышы күтүлүүдө. Бул тууралуу Акыйкатчы Турсунбек Акун “Азаттыкка” билдирди. Анын айтымында, 15-17-июлда Ысык-Көлдө эл аралык Акыйкатчылардын конференциясы болот. Ага КМШ өлкөлөрүнүн, Чехия, Словениянын жана башка мамлекеттин өкүлдөрү катышмакчы. (AJ)
