Бул тууралуу президент Курманбек Бакиев 15-июлда “Нью-Йорк таймс” басылмасынын кабарчысына берген маегинде билдирди. Анын айтымында, бул база эмес, бул эл аралык террорчулукка каршы күрөшүү боюнча борбор. Ал борбордо эл аралык террорчулук менен кантип күрөшүү боюнча окуп-машыгуу өткөрүлөт. Президент өлкөнүн түштүгүндө эл аралык террорчулук кайсы учурда болбосун пайда болуу коркунучу мүмкүндүгүн баса белгилеп, ошого каршы кыргызстандык жоокерлер орусиялык аскерлер менен биргеликте окуп-машыгуучу борбор болорун айтты. Буга чейин бир катар маалымат каражаттары Ошто же Баткенде Орусиянын аскерий базасы түзүлөт экен деген божомолдорду басып жиберишкен эле. (AJ)
