АКШ менен Кытайдын мамилелери өтө маанилүү. Бул тууралуу Вашингтондо Кытайдан барган жогорку деңгээлдеги делегациянын өкүлдөрү менен сүйлөшүү маалында АКШнын президенти Барак Обама билдирди. Кошмо Штаттарынын президенти өзөктүк куралдардын жайылуусуна жол бербөө - эки өлкөнүн кызыкчылыгындагы маселе болгонун билдирди. Барак Обама Кытайды адам укугун урматтоого чакырды. Эки күндүк сүйлөшүү маалында тараптар климаттын кескин жылый башташы жана экономикалык кризистен чыгуунун жолдору өңдүү маселелерди талкуулашат.
