АКШнын Коргонуу катчысы Ирактагы эки күндүк визитинин соңунда күрдү жарым автономиясынын баш калаасы Ирбилде күрт президенти Масуд Барзаниге жолукту. Ирактык күрттөр мунай өндүрүшүнүн көзөмөлү жана Түндүк Ирактагы талаштуу аймактар боюнча Багдад өкмөтү менен мунасага келе албай келатышат. Кечээ Гейтс Кошмо Штаттары бул талаштарды жөнгө салууга көмөк көрсөткөнгө даяр экендигин айтып, тараптарды талашын урушсуз чечүүгө чакырган.
