НАТОнун баш катчысы Андерс Фог Расмуссен Россияны ракетадан коргонуу тармагында кызматташууга үндөп, АКШ, НАТО жана Россиянын антиракеталык системаларын туташтыруу жолдорун карап көрүүнү сунуш кылды. Баш катчы ошондой эле Россия жана альянс коопсуздук чөйрөсүндөгү проблемаларды биргелешип карап чыгууга тийиш деген оюн билдирди. НАТО менен Москванын мамилелери былтыр грузин-орус согушунан кийин сууй түшкөн.
