Жогорку Кеңештеги “Ак жол” фракциясынын мүчөсү Гүлнара Дербишева Кыргызстанда өлүм жазасын кайра калыбына келтирүү боюнча көтөрүлгөн демилгеге каршы чыгып, ага жол берилбеш керек, деп билдирди. Депутат өмүр боюга кесилген 196 кишинин тагдырына кызыгып, алардын кармалышынын шарты тууралуу маалымат берүүнү өкмөттөн суранды. Кыргызстанда өлүм жазасын калыбына келтирүү демилгесин 23-сентябрда Коопсуздук кеңештин катчысы Адахан Мадумаров жана Улуттук коопсуздук боюнча мамлекеттик комитеттин төрагасы Мурат Суталинов көтөрүп, бул маселени президентке алып кирерин билдиришкен эле.(AiT)
