Кыргызстандын жаратылышын жана тарыхый жерлерин чагылдырган документалдуу тасма тартканы жапониялык Меdia One компаниясынан өкүлдөр келишти. Коджи Якушо баштаган топту кечээ тышкы иштер министринин орун басары Эрмек Ибраимов кабыл алды. Якушо “Угорь”, “Гейшанын эскерүүлөрү”, “Вавилон” сыяктүү фильмдерде ийгиликтүү роль жараткан жапон актеру катары таанымал. Соңку кезде ал даректүү теле-долбоорлор менен иштеп келет. Буга чейин Коджи Якушо Кыргызстанга келип, 2005-жылы Кыргызстандагы тоо-кен өндүрүшү боюнча телеберүү тартып кеткен. (EK)
