20-октябрда Президент К.Бакиевдин башкаруу жараянын жаңы нукка которуу демилгесине теңиртоолуктар ар башка пикирде болуп жатышат. Жергиликтүү журналист Чынара Токтогулова Өкмөт төрагалыгына Данияр Үсөновдун келиши менен Өкмөт мүчөлөрү жаңыланып кетпейт, бул реформадан алгылыктуу натыйжа чыкпайт деп санайт. Нарын шаарындагы «Тынчтык» коомдук уюмунун лидери Анаркүл Окошева жаштарга ишеним көрсөтүлбөгөндүктөн улам өзгөрүү деле болбойт деп эсептейт. Жергиликтүү талдоочу Муса Алыбаев айтылган ой-мүдөөлөрдүн ишке аша бербеси мыйзам ченемдүү көрүнүш деп билдирди. Ал эми губернатордун биринчи орун басары Мирадил Бакашов бул реформа мамлекеттин өнүгүсүүнө негизги түрткү болот деп ишенет. (KUs).
