Жалал-Абад шаарында эки күнгө созулчу конференция Барпы акындын 125 жана Сузак районунун 90 жылдыгына байланыштуу уюштурулган. Ал областтык бийликтин имаратында башталды. Баяндамачылар жери кооз Сузак району совет заманында согуштун жана эмгектин он төрт батыры, кийин президент К. Бакиев чыкканы менен өзгөчөлүү экенин белгилешти. Кыргыз- Түрк «Манас» университетинин ректору Сулайман Кайыпов Барпы Алыкуловдун өмүрү жана чыгармачылык жолу толук изилдене электигин, анын чыгармачылыгын тектеш түрк адабиятынын алкагында кароо зарылдыгын айтып өттү. (YA)
