Босниянын президенти Швеция сотунун Бильяна Плавсичти мөөнөтүнөн эрте түрмөдөн бошотуу чечимине нааразылык иретинде Стокголмго сапарынан баш тартты. Босниялык сербдердин мурдагы президени Плавсич шейшембиде швециялык абактан кое берилген. Ал Балкандагы жаңжал маалында орун алган согуш кылмыштары үчүн айыпталып, 2003-жылы 11 жылга кесилген. Босниянын үч тараптуу президенттигинин төрагаларынын бири Зелко Комшич 4-ноябрга белгиленген сапары учурунда падыша Карл Густаф XVI менен жолугушмак.
