Бүгүн маданият кызматкерлеринин кесиптик күнүнө арналган салтанатта маданият жана мамлекеттик тил агенттигинин жетекчиси Султан Раев «маданиятты сактап калабыз» деп ураан көтөргөндүн өзү туура эместигин, адамзатты маданият сактап калаарын белгиледи. Токтогул Сатылганов атындагы Улуттук филармонияда өткөрүлгөн бул иш чарага вице-премьер-министр Тажыкан Калымбетова дагы катышып өкмөт тарабынан маданият тармагына тиешелүү көңүл бурулбай жатканын билдирип, келечекте колдоого алынарын айтты. Кыргыз Республикасынын Эл артисти наамы композитор Каныкей Эралиевага, ырчы Роза Амановага, «Досум-Үсөн» тобунун жетекчиси Юрий Бобковго тапшырылды. (AJ)
