Грузия орус тилинде сыналгы берүүлөрүн баштоо долбоорун жарыялады. "Андай каналды ачуу чечими былтыркы согуштан кийин өлкөдө жана жалпы региондо түзүлгөн кырдаалдан улам келип чыкты", - деп түшүндүрдү Грузиянын коомдук телерадио мекемесинин жетекчиси Гия Чантурия. Жергиликтүү маалымат каражаттары кабарлагандай, жаңы каналда Кремлге каршы көз караштары менен белгилүү болгон россиялык бир катар журналисттерди көрүүгө болот. Бирок Чантурия долбоор Кавказдагы улуттук азчылыктардын маселелерин козгоону максат кылат деди.
