Президенттин катчылыгынын алдында санарип берүүлөргө өтүү боюнча мамлекеттик программа иштеп чыгуу боюнча жумушчу топ түзүлөт. Ага эл аралык эксперттер чакырылмакчы. Бул тууралуу аталган катчылыктын өкүлү Илим Карыпбеков бүгүн Кыргызстанда санарип телекөрсөтүүгө өтүүгө арналган жыйында билдирди. Бул иш-аракеттер Кыргызстандын “Женева”-2006” деп аталган аймактык макулдашууга кошулгандыгына байланыштуу жүргүзүлүп жатат. Аталган макулдашууга жүз жыйырмага жакын мамлекет кирген. Кыргызстандагы көз карандысыз медиатоптордун өкүлдөрү бул жаатта мамлекет алар менен кызматташпастыгын айтууда. (EBM)
