Чек арасыз кабарчылар эл аралык уюму Кыргызстандагы кол салууларды айыптады

Уюм тараткан билдирүүдө өлкөдө журналисттерге кол салуу жана коркутуп-үркүтүүлөр көбөйгөнү, өлкөдө саясий-социалдык акыбал курчуп баратканы, кырдаал президенттик шайлоо өткөндөн кийин деле жөнгө салынбаганы белгиленген. Уюм кыргыз бийлигин мындай окуяларга карата чечкиндүү чара көрүүгө чакырууда. Чек арасыз кабарчылар ошондой эле кыргыз бийлигине эл аралык коомчулук алдындагы милдеттерин эскертип коюуну ЕККУнан да өтүнгөн.

Жыл башынан бери сегиз журналистке түрдүү кол салуулар болгон. 9-декабрь күнү белгисиз бирөөлөрдүн колунан саясатчы Болот Жанузаков менен саясат талдоочу Александр Князев да жабыркашты.(ZKo)