29-декабрда Кыргызстандын мыкты футболчулары аныкталып, аларга сый-урмат көрсөтүлдү. 2009-жылдын жыйынтыгы боюнча “Жылдын мыкты дарбазачысы” деп Канттын “Абдыш-Ата” командасынын өкүлү Максим Агапов табылды. Ушул эле командадан Роман Абакимов “Жылдын мыкты коргоочусу ” деген наамга арзыды. Ал эми “Жылдын мыкты жарым коргоочусу” деп Нарындын “Дордой-Динамо” командасынын оюнчусу Вадим Харченко табылып, Канттын “Абдыш-Ата” футбол клубунун өкүлү Антон Землянухин “Жылдын мыкты чабуулчусу” болду. Ал эми "Жылдын эң мыкты футболчусу наамы Нарындын “Дордой-Динамо” командасынын өкүлү, африкалык Даниэл Тагоеге берилди. (EK)
